Кејт Бланшет го одзеде здивот во последната сцена! Холивудски шок за крајот на сезоната!

Нетфликс уште еднаш покажа дека знае да изненади – третата сезона на светски познатата серија „Игра на лигњи“ доби епски крај со камео на никој друг туку Кејт Бланшет. Добитничката на Оскар се појави во последната сцена од епизодата „Ние сме луѓе“, а нејзиниот настап предизвика вистинска експлозија на реакции низ светските медиуми и социјалните мрежи.

принтскрин/јт/сqуитгаме

Во сцена снимана на улиците на Лос Анџелес, Бланшет како регрутерка игра дакџи – традиционална корејска игра што ги воведува учесниците во смртоносната борба за опстанок. Нема крв, нема вресоци, само нејзин ледено мирен поглед и неколку зборови што течат како отров со елеганција. Нејзината појава носи интензитет што останува во мислите и по последниот кадар.

Креаторот на серијата, Хванг Донг-хјук, изјави дека токму нејзината харизма и способност да доминира на екран без премногу зборови ја направиле совршена за улогата. „Таа е најдобрата. Ни требаше некој што може да донесе влијание со минимализам – и таа тоа го направи“, изјави тој.

Иако сцената трае само неколку минути, обожавателите веќе шпекулираат – дали ова е вовед во целосна американска верзија на „Сqуид Гаме“? Или можеби спин-оф каде Бланшет ќе го води новиот круг на учесници? Донг-хјук остана мистериозен, но призна дека можноста за продолжение или паралелна приказна не е исклучена.

На социјалните мрежи веќе се водат „кастинг дебати“ – кој би бил американскиот еквивалент на Ги-хун? И дали Нетфликс подготвува нешто големо за 2026?

Едно е сигурно – Кејт Бланшет го затвори циклусот со сцена што се памети. И повторно докажа зошто е кралица на екранот, без разлика дали игра Елизабета, Карол или… регрутерка за најбруталната игра на светот!

БОНУС ВИДЕО: