ТАЈСОН ТВРДИ ДЕКА ЈА ФАТИЛ СОПРУГАТА ВО КРЕВЕТ СО БРЕД ПИТ – РОБИН ГИВЕНС ОДГОВАРА: „НИКОГАШ НЕ СЕ СЛУЧИЛО!“ 

фото/тхе wрап

Меѓу морето шокантни анегдоти од приватниот живот на боксерската легенда Мајк Тајсон, посебно се издвојува приказната во која тој тврди дека ја пронашол својата тогашна сопруга, актерката Робин Гивенс, во кревет со холивудската ѕвезда Бред Пит, пренесе „Хој“.

Приказната и денес ја интригира јавноста, нудејќи редок увид во хаотичниот и турбулентен период од бракот на Тајсон и Гивенс.

– Бев во шок, а Бред изгледаше како да му е доста од животот – изјавил Тајсон.

Тајсон и Гивенс се венчаа во февруари 1988 година, но нивниот брак брзо стана мета на таблоидите поради обвинувањата за семејно насилство и турбулентна врска. Гивенс веќе следната година поднесе барање за развод, наведувајќи страв за својата безбедност. Разводот беше финализиран во 1989 година, но драмата не заврши тука.

Во својата автобиографија „Неоспорна вистина“, како и во бројни интервјуа, Тајсон тврди дека и по разделбата продолжил да ја посетува Гивенс „за секс“. На една од тие посети, наводно го затекнал Бред Пит во интимен момент со неговата сопруга.

– Требаше да го видите изразот на неговото лице – раскажува Тајсон. – Изгледаше како да поминува низ сето тоа. Ме молеше: „Брате, те молам не ме удирај.“ Изгледаше како да е целосно под дејство на дрога.

Но, актерката Робин Гивенс години подоцна остро ја негираше оваа верзија. Во емисијата „Wатч Wхат Хаппенс Ливе“, Гивенс потврди дека Тајсон навистина се сретнал со двајцата, но истакна дека сè се случило во автомобилот на враќање од проекција на филм, а не во кревет.

– Тоа никогаш не се случило – изјави Гивенс, тврдејќи дека таа и Пит немале афера, барем не во времето кога Тајсон ги пронашол.

Приказната и понатаму останува еден од најконтроверзните моменти во животот на Мајк Тајсон, а јавноста сè уште е поделена околу тоа која е вистината.