„ФИЗИЧКИ Е ПОДОБАР, НО ПСИХИЧКАТА БОРБА СÈ УШТЕ ТРАЕ“ – МИА КОСТОВА ИЗНЕСЕ ДЕТАЛИ ЗА СОСТОЈБАТА НА ПАНЧО!
„ФИЗИЧКИ Е ПОДОБАР, НО ПСИХИЧКАТА БОРБА СÈ УШТЕ ТРАЕ“ – МИА КОСТОВА ИЗНЕСЕ ДЕТАЛИ ЗА СОСТОЈБАТА НА ПАНЧО!
Популарната инфлуенсерка и ТВ водителка Миа Костова гостуваше во емисијата „Претрес со Ландов“, каде зборуваше за здравствената состојба на Владимир Блажев – Панчо, кој сè уште се наоѓа на лекување во клиника. Според неа, Панчо е физички многу подобар, но закрепнувањето од психичките последици сè уште трае.
Фото/ХАЈП МК
„Според информациите што ги имам, Панчо е во многу подобра состојба. Како и кај сите кои беа повредени во трагедијата во Кочани, потребно е време за телото да се опорави, особено изгорениците на рацете. На едната рака закрепнувањето оди малку побавно“, изјави Костова.
МИА КОСТОВА СО САРКАСТИЧНА ПОРАКА ДО ИНФЛУЕНСЕРИТЕ: „НЕ ГЛУМЕТЕ ЕЛИТА, ЌЕ ВЕ ТАГНУВАМ СЛЕДЕН ПАТ!“
Таа додаде дека Панчо бил во кома по несреќата, и дека трагичната вест за загинатите – меѓу кои и неговиот близок пријател Андреј – ја дознал дури по неколку дена, кога почнал да станува свесен за случувањата.
„ФИЗИЧКИ Е ПОДОБАР, НО ПСИХИЧКАТА БОРБА СÈ УШТЕ ТРАЕ!“
„Долго време не беше ни свесен што се случило. Излегувањето од кома е тежок процес, а соопштувањето на вакви вести не оди едноставно. Не можеш само да кажеш и толку – тоа е процес. Со него работи цел тим психолози и психијатри“, вели Миа, истакнувајќи дека сè уште не разговарала директно со Панчо, иако се познаваат повеќе од 25 години.
КОЦЕВСКИ ПОТВРДИ: ПАНЧО ОД ДНК НЕМА ДА БИДЕ КРИВИЧНО ГОНЕТ ВО МОМЕНТОВ!
Осврнувајќи се на нивното пријателство, Миа потсети на заедничките моменти од почетоците на нивната кариера:
„Соработувавме уште од 2000-тите, кога работевме заедно на спортски проекти, а потоа и на емисијата ‘Бекстејџ’. Секогаш сме имале одлична соработка.“
Во интервјуто, таа откри и дека со Андреј, кој трагично го загуби животот, учеле заедно во музичкото и балетското училиште: „Од таму се знаеме. Тоа е нашето училиште. Многу спомени нè врзуваат.“
Многумина од јавноста со емпатија го следат закрепнувањето на Панчо, надевајќи се дека наскоро ќе излезе од болница и ќе успее да се избори со сите предизвици што му ги донесе трагедијата.
ЕКСКЛУЗИВНО ИНТЕРВЈУ! НИНА РЕД: „СУМ ПЛАЧЕЛА ПОРАДИ НЕГАТИВНИ КОМЕНТАРИ!“ (ВИДЕО)
ОКТАЈ СЕЈДИ: ИКОНА НА СТИЛОТ И ИНСПИРАЦИЈА НА НОВИТЕ ГЕНЕРАЦИИ! (ВИДЕО)
БОНУС ВИДЕО!
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв-мк.дјм-про.рс!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Е.Л.
