„БЕВ ЛУТА ГО ОДБИВАВ ПРОБЛЕМОТ, ГИ ОБВИНУВАВ РОДИТЕЛИТЕ!“ – ИСИДОРА ЈА РАСКАЖА СВОЈАТА ПРИКАЗНА ЗА ПРОБЛЕМОТ „АГЕНЕЗА НА МАТКА“! – „РЕАКЦИЈАТА НА КУН БЕШЕ НЕВООБИЧАЕНА…!“ (ВИДЕО)
„БЕВ ЛУТА ГО ОДБИВАВ ПРОБЛЕМОТ, ГИ ОБВИНУВАВ РОДИТЕЛИТЕ!“ – ИСИДОРА ЈА РАСКАЖА СВОЈАТА ПРИКАЗНА ЗА ПРОБЛЕМОТ „АГЕНЕЗА НА МАТКА“! – „РЕАКЦИЈАТА НА КУН БЕШЕ НЕВООБИЧАЕНА…!“ (ВИДЕО)
Во новата епизода на Лазаров Поткаст, пејачот Марио Јелиќ – Кун, член на популарното музичко дуо „Два Бона“, заедно со својата партнерка Исидора Арнаудова Станојевиќ, по првпат јавно зборуваат за најсензитивната и лична тема од нивниот живот – борбата со неплодноста и здравствениот предизвик со кој се соочува Исидора.
Фото/принтскрин/Инстаграм/иcyдорах
Во отворен и искрен разговор, Исидора открива дека поради ретка медицинска состојба – агенеза на матка, не може да износи дете по природен пат. Таа вели дека за состојбата дознала уште како тинејџерка, а веста за дијагнозата ѝ ја соопштила нејзината мајка, која е гинеколог по професија.
„Беше тешко… особено на таа возраст. Се обидував да го прифатам тоа како дел од мене, како нешто нормално. Но ми требаше време, многу мислења, многу разговори со себе“, изјави Исидора во емотивното интервју.
Агенезата на матка е вродено нарушување во кое матката целосно отсуствува. Жените со оваа дијагноза имаат нормални јајници и хормонални функции, но не можат да имаат менструален циклус ниту да износат бременост по природен пат. Често, оваа состојба е дел од МРКХ синдромот и се дијагностицира во тинејџерски години.
Во разговорот, Исидора сподели и дека во минатото, нејзината состојба предизвикувала различни реакции кај партнерите. Додаде дека реакцијата на Кун била „сосема невообичаена“.
„Кога му кажав, неговата реакција беше толку спокојна, природна… Без осудување, без страв. Тој го прифати тоа како дел од мене, и од нас. Тоа беше најголемата поддршка што сум ја добила“, рече таа.
Двојката порача дека зборува за оваа тема со надеж да им помогне на други луѓе кои се соочуваат со слични предизвици и да ја намалат стигмата околу неплодноста и женското репродуктивно здравје.
Целиот поткаст можете да го погледнете подолу:
ЧИТАЈТЕ НЕ НА НАШИОТ ПОРТАЛ HYPE.МК!
СЛЕДЕТЕ ГИ НАЈНОВИТЕ ВЕСТИ НА VIBER, INSTAGRAM: @хyпетв-мк.дјм-про.рс!
ПРЕТПЛАТИ СЕ НА YOUTUBE КАНАЛОТ – HYPE МК ЗА СИТЕ НАЈНОВИ ВЕСТИ НА ЕСТРАДАТА!
ХАЈП МК/Е.Л.
