ДОЖИВОТЕН ЗАТВОР ЗА ПАЛЧО И СОУЧЕСНИЦИТЕ – ОСЛОБОДЕН ТАТКОТО НА ВАЊА ЃОРЧЕВСКА!
ДОЖИВОТЕН ЗАТВОР ЗА ПАЛЧО И СОУЧЕСНИЦИТЕ – ОСЛОБОДЕН ТАТКОТО НА ВАЊА ЃОРЧЕВСКА!
Денеска, во Кривичниот суд во Скопје, беше изречена пресуда за едно од најшокантните злосторства во поновата македонска историја – грабнувањето и ладнокрвното убиство на 14-годишната Вања Ѓорчевска и 74-годишниот Панче Жежовски.
принтскрин/телматв
Судот, предводен од судијата Ивица Стефановски, донесе одлука со која четворицата обвинети – Љупчо Палевски-Палчо, Велибор Манев, Влатко Кешишев и Боре Видевски – се осудени на доживотен затвор.
Истовремено, Александар Ѓорчевски, таткото на Вања, кој беше обвинет за соучесништво во грабнувањето на сопствената ќерка, е ослободен од обвинението. Судот наложи трошоците за неговиот процес да паднат на товар на државата.
Јавното обвинителство побара четворицата осудени да останат во притвор до правосилноста на пресудата, нагласувајќи ја опасноста од повторување на делото и немерливата штета која ја предизвикале. Обвинителките Жаклина Крстевска Јосифовска и Ана Стојковиќ Димитровска нагласија дека нема олеснителни околности – обвинетите се зрели луѓе, родители, дел од јавниот живот.
обвинител:жаклина крстеваска / принтскрин/телматв
„Одземање на живот на дете не смее и не може да се толерира“, изјави обвинителката Стојковиќ Димитровска во завршните зборови.
Судењето траеше 10 месеци и опфати речиси 40 рочишта. Процесот беше тежок, емоционален и болен, особено во деловите кога се изнесуваа деталите за последните часови од животот на малата Вања.
Семејствата на убиените беа упатени на граѓанска постапка за побарување отштета.
Оваа пресуда претставува симболичен крај на долгата судска битка, но болката и загубата остануваат длабоко врежани во срцата на блиските и на целата јавност.
принтскрин/телматв
БОНУС ВИДЕО:
ЧИТАЈТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАЈНОВИ ВЕСТИ ОД ЕСТРАДАТА!
