МАКЕДОНИЈА МЕЃУ ЕЛИТАТА: 14 ЗЕМЈИ СО ЕВРОПСКИ ПЕХАРИ ВО ЕКИПНИ СПОРТОВИ!
МАКЕДОНИЈА МЕЃУ ЕЛИТАТА: 14 ЗЕМЈИ СО ЕВРОПСКИ ПЕХАРИ ВО ЕКИПНИ СПОРТОВИ!
Со завршницата на Лигата на шампионите во ракомет, каде што викендов се одигра фајналфор-турнирот, беше ставена точка на клупската сезона во четирите главни екипни спортови во Европа: фудбал, кошарка, ракомет и одбојка. Сезоната опфати натпреварувања во машка, женска и младинска конкуренција, а според конечниот биланс, пехари освоија клубови од вкупно 14 земји – една повеќе отколку минатата година.
Меѓу нив се најде и Македонија, која свој европски пехар го доби благодарение на триумфот на РК Алкалоид во Купот на Европската ракометна федерација (ЕХФ). Тоа ја вброи нашата држава меѓу елитното друштво на земји со шампионски клубови во континенталните натпреварувања.
Покрај Македонија, трофеи освоија клубови од Франција, Англија, Шпанија, Турција, Израел, Чешка, Литванија, Германија, Унгарија, Исланд, Данска, Италија и Полска.
Во сениорска конкуренција, титули во четирите спортови заминаа во седум различни земји. Пари Сен Жермен ја освои фудбалската Лига на шампиони за мажи (Франција), Фенербахче беше најдобар во машка кошарка (Турција), Магдебург триумфираше во машкиот ракомет (Германија), додека Перуџа и Конелиано ги освоија машката и женската титула во одбојка (Италија). Ѓер (Унгарија) и Арсенал (Англија) беа шампиони во женскиот ракомет и фудбал, а УСК Прага (Чешка) во женската кошарка.
Во младинска категорија кај мажите, трофеи зедоа Барселона (фудбал, Шпанија), Жалгирис (кошарка, Литванија) и ГОГ Гудме (ракомет, Данска).
Оваа сезона донесе и финалиња со два клуба од иста земја: Конелиано и Скандичи во женската одбојка (Италија), односно Магдебург и Фуксе Берлин во машкиот ракомет (Германија).
Хyпе ТВ
КОНCЕРТ ВО СКЕНДЕРИЈА – ЛУКАС, ШКОРИЌ, ИЛИЌ – КАРТИ ТУКА.
БОНУС ВИДЕО!
ЧИТАЈТЕ НЕ НА НАШИОТ ПОРТАЛ ХYПЕ.МК!
СЛЕДЕТЕ ГИ НАЈНОВИТЕ ВЕСТИ НА ВИБЕР, ИНСТАГРАМ: @хyпетв.мк!
ПРЕТПЛАТЕТЕ СЕ НА YОУТУБЕ КАНАЛОТ – ХYПЕ МК ЗА СИТЕ НАЈНОВИ ВЕСТИ ОД ЕСТРАДАТА!
ХYПЕ МК/Д.Н
